Максим Самородов «Спартакқа» ауысуы туралы қауесетке пікір білдірді
«Ахмат» клубы мен Қазақстан құрамасының жартылай қорғаушысы Максим Самородов мәскеулік «Спартаққа» ауысуы мүмкін деген ақпаратқа қатысты пікір білдірді, деп хабарлайды Pin-UpSport.kz.
Қазақстандық футболшы бұл трансфер туралы ешқандай мәліметі жоқ екенін айтты. «Өздеріңіз айтып отырсыздар, бұл – қауесет. Бұдан басқа айтарым жоқ. Мен ештеңе білмеймін», – деді Самородовтың сөзін «Чемпионат» келтіреді.
Самородов «Ахмат» сапында 2024 жылдан бері өнер көрсетіп келеді. Осы уақыт ішінде ол команда құрамында 67 матч өткізіп, 13 гол соғып, 14 нәтижелі пас берді.
Өткен маусымда 24 жастағы вингер барлық турнирде 34 матчқа қатысып, бес гол мен он нәтижелі пастың авторы атанды. Оның «Ахматпен» жасалған келісімшарты 2028 жылдың жазына дейін күшінде. Transfermarkt порталы футболшының нарықтық құнын үш миллион еуроға бағалайды.
