Ливерпульде өткен әлем чемпионатында жүлде алған қазақстандық боксшылар қанша сыйақы алады
Фото: НОК РК
Англияның Ливерпуль қаласында өткен World Boxing ұйымы өткізген алғашқы әлем чемпионатында жүлдеге қол жеткізген қазақстандық боксшыларға қанша қаржылай сыйақы берілетіні белгілі болды, деп хабарлайды Pin-UpSport.kz.
Турнир регламентінде арнайы сыйақы қарастырылмағанымен, Қазақстанда әлем чемпионатында жүлде алған спортшыларға мемлекет тарапынан қаржы төленеді: алтынға — 15 мың доллар (8,1 млн теңге), күміске — 7 мың (3,7 млн теңге), қолаға — 5 мың (2,7 млн теңге). Жаттықтырушыларға да марапат бар (үшеуіне тең бөлінеді): алтын үшін — 10 мың, күміс үшін — 5 мың, қола үшін — 3 мың доллар. Бұдан бөлек, Қазақстан бокс федерациясы да қосымша сыйақы беруі мүмкін.
Чемпион атанғандар: Санжар Тәшкенбай (50 кг), Махмұд Сабырхан (55 кг), Торехан Сабырхан (70 кг), Айбек Оралбай (+90 кг), Алуа Балқыбекова (50 кг), Аида Әбікеева (65 кг), Наталья Богданова (70 кг). Күміс жүлде — Назым Қызайбайға (48 кг), қола медаль — Виктория Графеева (60 кг) мен Елдана Тәліповаға (+80 кг) бұйырды.
