Лионель Месси МЛС тарихында жаңа рекорд орнатты
Фото: AMA
Аргентина құрамасының және АҚШ-тың «Интер Майами» клубының шабуылшысы Лионель Месси мансабындағы бесінші «Айдың үздік ойыншысы» атағын жеңіп алып, МЛС тарихындағы жаңа рекорд орнатты, деп хабарлайды Pin-UpSport.kz. Клубтың ресми дерегіне сүйенсек, аргентиналық жұлдыз қазан айында лиганың ең үздік ойыншысы болып танылды.
Бұл марапат Мессидің «Интер Майамиге» 2023 жылы қосылғаннан бергі екі маусымдағы бесінші жүлдесі және биылғы маусымдағы үшіншісі. Осылайша ол екі маусым ішінде бес рет үздік атанған алғашқы ойыншы ретінде МЛС тарихына енді.
Сонымен қатар, Месси бір маусымда үш мәрте «Айдың үздік ойыншысы» атағын алған лига тарихындағы үшінші футболшы болды. Бұған дейін мұндай жетістікке Карлос Вела (2019) мен Крис Вондоловски (2012) қол жеткізген. Қазан айында ол үш ойында 5 гол соғып, 5 нәтижелі пас беріп, командасының жетістігіне үлкен үлес қосты.
«Интер Майами» маусымның қорытындысында 65 ұпаймен Шығыс конференциясының үшінші сатысында аяқтап, плей-офф кезеңіне жолдама алды. Ал Месси Аргентина құрамасының сапында өнер көрсетуді жалғастырып, алдағы жылы Канада, АҚШ және Мексикада өтетін әлем чемпионатына қатысуды көздеп отыр.
Айбар Рысдаулет
Анна Данилина Токиодағы турнирдің ширек финалына өтті
Қуат Хамитов ACA лигасындағы дебют қарсаңында салмақ лимитінен асып кетті