Лев Скворцов «Шахтерге» ауысуы мүмкін
Фото: Актобе
Қазақстан құрамасының қорғаушысы Лев Скворцов ел чемпионатына қайта оралуға жақын, деп хабарлайды Pin-UpSport.kz.
Дереккөз мәліметінше, 26 жастағы футболшы қарағандылық «Шахтермен» келісімшарт талаптарын келіскен. Оған екі жарым жылдық келісім ұсынылған.
Егер тараптар мәмілені толық рәсімдесе, Скворцов жазғы трансферлік кезеңде «Шахтердің» ойыншысы атанады.
Сонымен қатар қарағандылық клубтың ұсынысы қорғаушы қарастырып отырған жалғыз нұсқа емес. Футболшыға ҚПЛ-дың тағы үш клубы қызығушылық танытып отыр.
Қазіргі таңда Скворцов Түркияның «Серикспор» клубында өнер көрсетеді. Өткен маусымда ол 16 матч өткізіп, бір гол соғып, бір нәтижелі пас берген.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
