Лео Жарагуа футзалдан Латвия Кубогын жеңіп алды
Лео Жарагуа. Фото: @kff_team_futsal
Латвия астанасында өткен футзалдан Кубок финалында РФШ командасы «Рига» клубын 6:1 есебімен тас-талқан етті. Бұл жеңіс арқылы рижалық ұжым 2024/25 жылғы маусымның Кубогын иеленді.
Ойын тағдыры бірінші таймда-ақ шешіліп қойды – РФШ қарсылас қақпасына үш жауапсыз гол соқты. Финалдық жеңістің қуанышын Қазақстан құрамасының ойыншысы Лео Жарагуа да бірге тойлады.
Айта кетейік, РФШ қазір Латвия чемпионатының да басты фавориттерінің бірі. Жартылай финалда олар «Даугавпилспен» үш жеңіске дейінгі серияда кездесіп жатыр және әзірге 2:0 есебімен алда келеді.
Үшінші әрі шешуші болуы мүмкін матч 19 сәуір күні Астана уақытымен 20:00-де өтеді
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Алматының басты стадионы күрделі жөндеуден өетдіКелесі мақала:
Бивол мен Бетербиев арасындағы үшінші шайқас қазан айында өтеді