«Канело» Головкин мен Биволды ең үздік қарсылас деп атады
Фото: Getty Images
Әлемнің бұрынғы абсолют чемпионы Сауль «Канело» Альварес өзінің мансабындағы ең мықты қарсыластары туралы айтып, Геннадий Головкин мен Дмитрий Биволды ерекше атап өтті, деп хабарлайды Pin-UpSport.kz.
Головкинмен үш рет рингке шыққан мексикалық боксшы қазақстандық қарсыласына ең жоғары баға — «ондық» қойған. Оның айтуынша, «Головкин – жан-жақты, мықты және рингтегі ойлау жүйесі жоғары деңгейдегі спортшы».
Альварес сондай-ақ ресейлік Дмитрий Биволға да «10» деген баға берді. Ол Биволдың да бар қасиетімен толыққан чемпион екенін айтты. Бұдан бөлек, мансабының басындағы ең қиын қарсыластардың бірі ретінде Эрисланди Лараны атады.
Флойд Мэйвезер туралы сұралғанда, «Канело» аз-кем ойланып, жымиып: «10-ның 10-ы. Мұнда ештеңе түсіндірудің қажеті жоқ», – деп қысқа жауап берді.
