Кака: «Италияны бағаламауға болмайды, бірақ біз дайын боламыз»
Қазақстан футзал құрамасының бас бапкері Кака Еуро-2026 жарысына іріктеудегі Италиямен өтетін плей-офф кездесуіне қатысты пікір білдірді, деп хабарлайды Pin-UpSport.kz.
«Италия соңғы әлем чемпионатына қатыспаса да, бұл өте мықты құрама екені бәріне белгілі. Құрамында тәжірибелі ойыншылар бар. Италия құрамасы футзалдағы әлемдік көшбасшы ретіндегі орнын қайта иеленгісі келеді. Сондықтан алда бізді өте тартысты кездесу күтіп тұр.
Сегіз команданың ішінен Қазақстан мен Италияның бір жұпқа түскені көпшілікті таңғалдырды. Бұл кездесуге өте мұқият дайындаламыз. Өйткені бұл жұптың жеңімпазы Еуропа чемпионатына жолдама алады.
Кез келген команданың немесе бапкерлік штабтың пікірін сұрасаңыз – бәрі қарымта ойынын өз алаңында өткізген дұрыс дейді. Бұл тұрғыдан алғанда, қарымта кездесудің өз жерімізде өтетіні – психологиялық және менталдық тұрғыдан үлкен артықшылық. Бірақ бұл бізді алғашқы матчта жеңіске жету міндетінен босатпайды», – деді Кака.
