Кабо-Верде қақпашысы Ямальды Мессимен салыстырды
Кабо-Верде құрамасының қақпашысы Возинья ӘЧ-2026 финалында өтетін Аргентина мен Испания құрамалары арасындағы матчқа қатысты пікірін айтты, деп хабарлайды Pin-UpSport.kz.
Тәжірибелі қақпашының пікірінше, финалдағы басты тартыс Лионель Месси мен Ламин Ямальдың текетіресі болмақ. Ол болашақта дәл Ямаль жаңа Месси деңгейіне көтеріледі деп есептейді.
«Месси мен Ямаль – әлемдегі ең үздік екі ойыншы. Олар бір-біріне қарсы ойнағанда бізді нағыз футбол мерекесі мен керемет тартыс күтіп тұр. Меніңше, болашақта жаңа Месси дәл Ямаль болады», – деді Возиньяға сілтеме жасаған The Touchline.
ӘЧ-2026 турнирінде Кабо-Верде құрамасы екі финалистке де лайықты қарсылық көрсетті. Топтық кезеңде Испаниямен 0:0 есебімен тең түссе, 1/16 финалда Аргентинаға 2:3 есебімен жол берді. Испания мен Аргентина арасындағы финал 20 шілдеде Қазақстан уақытымен 00:00-де басталады.
