Ислам Чесноков Еуропаға ауыса ма?
Ислам Чесноков. Фото: Getty Images
Қазақстан құрамасы мен «Тоболдың» жартылай қорғаушысы Ислам Чесноков осы жазда шетелдік клубқа ауысуы ықтимал. Қазір ол бірнеше еуропалық команданың назарында тұр.
Шотландияның «Хартс» клубы футболшы мен оның клубымен келіссөздер жүргізіп жатыр. Алайда Чесноковқа үміткер жалғыз команда емес. Португалияның «Боавиштасы» мен тағы басқа клубтар да Исламға қызығушылық танытуда.
Футболшының өкілдері жазғы трансфер терезесін ең қолайлы уақыт деп санап отыр. Бірақ «Тобол» маусымдағы шешуші кезеңге дейін Чесноковты ұстап қалуға тырысуы мүмкін. Биылғы Премьер-лигада Ислам сегіз ойында екі гол соғып, бір нәтижелі пас берген. Transfermarkt порталы оның нарықтық құнын 800 мың еуроға бағалап отыр.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
