Иордания мен Өзбекстан – алғаш рет әлем чемпионатында
Фото: Jordan Times
Иордания құрамасы алғаш рет футболдан әлем чемпионатына жолдама алды. Бұл тарихи жетістік сырт алаңда Оманды 3:0 есебімен жеңген соң тіркелді. Қалған бір турға қарамастан, 16 ұпай жинаған иорданиялықтар 12 ұпайы бар Ирак құрамасынан алға ұзап кетті.
Ал Ирак болса өз алаңында Оңтүстік Кореядан 0:2 есебімен жеңілді. Қожайындар бірінші таймда қызыл қағаз алып, көп бөлігі матчты бір ойыншы кем өткізді.
Оңтүстік Корея 19 ұпаймен B тобында көш бастап тұр. Олар да әлем чемпионатына жолдаманы алдын ала жеңіп алды. Осылайша, бұл топтан Корея мен Иордания 2026 жылғы мундиальға қатысады.
Айта кетейік, дәл осы күні – 5 маусымда Өзбекстан құрамасы да тарихта алғаш рет әлем чемпионатына жолдама алды. Олар БАӘ-мен тең ойнап, топтағы орнын сақтап қалды.
Айбар Рысдаулет
Эйндховенде өтетін додада қазақ былғары қолғап шеберлері жұдырықтасады
Даррен Диц Минскіде 195 миллион теңге айлық алады