Хосеп Гвардиола маусым соңында «Манчестер Ситиден» кетеді
Фото: Матч ТВ
«Манчестер Сити» клубының бас бапкері Хосеп Гвардиола 2025/26 жылғы маусым аяқталғаннан кейін командадан кетеді, деп хабарлайды Pin-UpSport.kz клубтың ресми сайтына сілтеме жасап.
Клуб мәлімдемесінде испаниялық маманның он жылдық кезеңнен кейін қызметін аяқтайтыны айтылды. Гвардиола «Манчестер Ситиді» 2016 жылдың жазында басқарған болатын.
Каталониялық бапкер клубпен бірге 20 ірі трофей жеңіп алып, команда тарихындағы ең табысты жаттықтырушы атанды.
Гвардиоланың жетекшілігімен «Манчестер Сити» Англия Премьер-лигасында алты рет чемпион болды. Сонымен қатар команда үш рет Англия Кубогын, бес мәрте Англия лигасы кубогын жеңіп алды. Бұдан бөлек клуб Чемпиондар лигасы мен УЕФА Суперкубогын да иеленді.
Бас бапкерлік қызметтен кеткеннен кейін Гвардиола City Football Group құрылымында қалып, ұйымның жаһандық елшісі қызметін атқарады.
