Холлоуэй Порьені жеңіп, трилогияны өз пайдасына шешті
Фото: Zuffa LLC
UFC 318 турнирінің басты жекпе-жегінде америкалық Макс Холлоуэй (27-8) Дастин Порьені (30-10) жеңіп шықты, деп хабарлайды Pin-UpSport.kz.
Жеңіл салмақтағы BMF белбеуіне арналған кездесу 19 шілдеде Жаңа Орлеанда өтіп, төрешілердің бірдей шешімімен (48-47, 49-46, 49-46) Холлоуэйдің пайдасына аяқталды.
Бұл қос файтердің үшінші кездесуі болды. Бұған дейін Порье екі рет жеңіске жеткен еді. Алайда бұл жолы Холлоуэй басынан бастап қарқынын жоғалтпай, жекпе-жекті толық бақылауда ұстады.
Бұл кездесу Порьенің мансабындағы соңғы жекпе-жек болды. 36 жастағы спортшы UFC-дегі жолын 30 жеңіс, 10 жеңіліс және 1 тең нәтижемен аяқтады. Ал Холлоуэй жеңістен кейін дивизиондағы үздіктер қатарына қайта оралып, чемпиондық белбеуге бір қадам жақындады.
