Хамитов жалаң қолмен жұдырықтасудан жалғыз қарсыласын атады
Қазақстандық файтер Қуат Хамитов жалаң қолмен жұдырықтасуда дебют жасауға дайын екенін мәлімдеді, алайда ол мұндай форматқа тек бір қарсылас үшін ғана шығатынын айтты, деп хабарлайды Pin-UpSport.kz. Ол нақты қарсыластың атын атады.
Хамитов әлеуметтік желіде өзінің және UFC ұйымының бұрынғы жұлдызы Тони Фергюсонның суреттері бар коллаж жариялады. «Бұл — мен жалаң қолмен жұдырықтасуда қабылдайтын жалғыз жекпе-жек! Басқа ұсыныстарға келісе қоймас едім…», — деп жазды қазақстандық спортшы. Осылайша, ол америкалық файтермен айқасқа қызығушылық білдірді.
Тони Фергюсон UFC-дің жеңіл салмақтағы танымал спортшыларының бірі саналады. Ол уақытша чемпион атағына ие болып, қатарынан 12 жеңіске жеткен. Сонымен қатар, бірнеше рет «кештің үздік жекпе-жегі» және «кештің үздік өнер көрсетуі» үшін бонустар алған.
Фергюсон соңғы жекпе-жегін 2024 жылдың 3 тамызында өткізіп, Майкл Кьезеге бірінші раундта сабмишн әдісімен жеңілді. Осыдан кейін ол UFC-дегі мансабын аяқтады. Ал Қуат Хамитов ММА-да үлкен тәжірибеге ие болғанымен, жалаң қолмен жұдырықтасуда әлі өнер көрсеткен жоқ.
Айбар Рысдаулет
Ямаль «Алтын доптың» басты үміткері атанды
Костов «Ақтөбе» бас бапкері қызметінен кетті