Грек-рим күресінен ұлттық құраманың бас бапкері ауысты
Конысбек Токенов. Фото: Kazsports.kz
Қонысбек Төкенов грек-рим күресінен Қазақстан Ұлттық құрамасының бас бапкері қызметіне тағайындалды, деп хабарлайды Pin-Upsport.kz. Бұл туралы бұйрыққа ҚР Туризм және спорт министрлігі Спорт және дене шынықтыру істері комитетінің төрағасы Руслан Есеналин қол қойды.
Ұлттық команданы осыған дейін басқарған Юрий Мельниченко енді бас бапкердің кеңесшісі ретінде жұмысын жалғастырады. Оның жетекшілігімен Қазақстан құрамасы 2023 жылғы әлем чемпионатында бір күміс медаль (Ержет Жарлықасын) иеленіп, Париж Олимпиадасына (Демеу Жадыраев) жолдама алған еді.
Қонысбек Кәрімұлы бұл қызметке дейін 20 жасқа дейінгі Қазақстан жастар құрамасының аға жаттықтырушысы болған. Бас бапкер ретіндегі алғашқы халықаралық жарысы – 17–20 шілде күндері Будапештте өтетін рейтингтік турнир болмақ.
