Еуропаның топ-клубтары Дастан Сатпаевқа қызығушылық танытқан
Дастан Сатпаев. Фото: Getty Images
Жақында «Челсимен» келісімшартқа отырған Дастан Сатпаев еуропалық клубтардың назарын аудартқан.
Бұл туралы шабуылшының агенті Герман Ткаченко Sport24 сайтына берген сұхбатында айтты. 16 жастағы ойыншы алматылық «Қайраттан» Лондонға ауысады. Келісім құны – 4,3 миллион еуро, бұл — Қазақстан чемпионатындағы ең қымбат трансфер.
Ткаченконың айтуынша, Дастанға қызығушылық білдірген клубтар аз болмаған. АПЛ, Ла Лига мен Бундеслига өкілдері де назар аударған. Бірақ бәрінен де белсенділік танытқан «Челси» болды. Олар ойыншыны қатарына қосуды нақты мақсат тұтқан.
Дастан мен оның жанұясы Англияға ауысуға қарсы болмады. «Қайрат» та дәл осы клубпен келісімге келуді жөн санады. Ережеге сай, Сатпаев 18 жасқа толған соң ғана «Челси» сапына ресми түрде қосылады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
«Интер» Роналдудан бас тартты — Милан клубының жоспары басқашаКелесі мақала:
Қазақ боксшылары Бакуде өтетін «Жібек жолы» турнирінде бақ сынайды