Ермахан Орынтаев АҚШ-тағы LFA лигасында дебют жасайды
Фото: Naiza
Қазақстандық аралас жекпе-жек шебері Ермахан Орынтаев (5-0) алғаш рет АҚШ-тағы LFA лигасында жекпе-жек өткізеді, деп хабарлайды Pin-UpSport.kz.
Оның дебюттік айқасы 14 қараша күні АҚШ-тың Массачусетс штатында өтеді. Қарсыласы — тәжірибелі америкалық файтер Адриан Гарсия (9-3-1). Бұл кездесу Орынтаевтың LFA ұйымымен жасаған алғашқы келісімшарты аясындағы жекпе-жегі болмақ.
Бұған дейін Ермахан барлық кәсіби айқастарын Қазақстандағы NAIZA промоушенінде өткізіп, бес жеңіс сериясын көрсетті. Оның төртеуі қарсыластарын мерзімінен бұрын тоқтатумен аяқталған. Енді ол АҚШ аренасында дебют жасап, өз есімін халықаралық деңгейде танытуды мақсат етеді.
LFA ұйымы әлемге әйгілі UFC-ге жол ашатын басты лига саналады. Сондықтан бұл айқас Ермахан Орынтаев үшін мансабындағы жаңа кезеңнің бастауы болмақ.
Айбар Рысдаулет
Джек Делла Маддалена Шавкат Рахмоновпен жекпе-жек өткізгісі келеді
Туризм және спорт министрлігі: федерациялар бюджет қаржысын алмайды және өз бетінше жұмыс істейді