Еркебұлан Сейдахмет неге «Уфаны» таңдағанын айтты
ФК Актобе
«Ақтөбе» мен Қазақстан құрамасының жартылай қорғаушысы Еркебұлан Сейдахмет ресейлік бірнеше клубтың қызығушылығына қарамастан, не себепті «Уфамен» келісімшартқа отырғанын түсіндірді, деп хабарлайды Pin-UpSport.kz ASnews.kz сайтына сілтеме жасап.
«Маған 18 жас толған соң, Ресейден үш клуб — „Уфа“, „Зенит“ және „Рубин“ ұсыныс жасады. Сол кезде ең көп қызығушылық танытқан — „Уфа“. Мен сол кездегі бас бапкер Сергей Семакпен жеке сөйлестім, командамен екі оқу-жаттығу жиынын өткіздім де, осы клубпен келісімшартқа қол қоюды ұйғардым. Бір жылдан кейін „Зенит“ мені сатып алмақ болды, бірақ біз бұл ұсынысты қабылдамадық», — деді Сейдахмет «Футбол Жолы» YouTube арнасына берген сұхбатында.
Биылғы маусымда 24 жастағы жартылай қорғаушы «Ақтөбе» сапында 20 матч өткізіп, бір гол соғып, төрт нәтижелі пас берді. Бұған дейін ол «Жетісу», «Қайрат», болгариялық «Левски» және «Тараз» командаларында ойнаған.
Transfermarkt дерегінше, Сейдахметтің нарықтық құны — 300 мың еуро. Оның «Ақтөбемен» келісімі 2025 жылдың соңына дейін жарамды.
