Елеусінов пен Дычко Лас-Вегаста өтетін басты бокс кешіне қатысуы мүмкін
Фото: Heavyweight Boxing
Қазақстандық кәсіпқой боксшылар Данияр Елеусінов пен Иван Дычко жылдың ең ірі турнирлерінің бірінде — Канело мен Кроуфордтың жекпе-жек кешінде шаршы алаңға шығуы ықтимал, деп хабарлайды Pin-UpSport.kz.
Промоутер Зия Алиевтің айтуынша, қос боксшы да АҚШ-та жаңа жаттықтырушылармен бірге Питтсбургте дайындық жүргізіп жатыр. Екеуі де шілде айында бір-бір кездесу өткізуді жоспарлап отыр. «Данияр қыркүйекте Канело – Кроуфорд кешінде өнер көрсетеді деп күтілуде. Қазір сол бағытта жұмыс жүріп жатыр. Ол жаңа лагерьде жаттығып жатыр, физикалық жағдайы тамаша. Иван да шілдеде жекпе-жек өткізеді, оның да қыркүйекке жоспарланған жекпе-жегі бар», – деді Алиев.
Айта кетейік, Сауль «Канело» Альварес пен Теренс Кроуфорд арасындағы басты кездесу 14 қыркүйекте Лас-Вегаста өтеді. Бұл бокс кеші соңғы жылдардағы ең көп күтілетін турнирлердің бірі болмақ.
