Елена Рыбакина WTA рейтингіндегі екінші орнын сақтап қалды
Әйелдер теннис қауымдастығы (WTA) жаңартылған әлемдік рейтингті жариялады, деп хабарлайды Pin-UpSport.kz.
Қазақстанның бірінші ракеткасы Елена Рыбакина жекелей сындағы әлемдік рейтингте 8056 ұпаймен екінші орнын сақтап қалды. Көш басында 8550 ұпайы бар Беларусь теннисшісі Арина Соболенко тұр. Үздік үштікті 6300 ұпаймен америкалық Джессика Пегула түйіндейді. Қазақстандық басқа теннисшілердің қатарында Юлия Путинцева 78-орында, Жібек Құламбаева 486-орында, Аружан Сағандықова 618-орында, Соня Жиенбаева 734-орында, ал Асылжан Арыстанбекова 936-сатыда орналасқан.
Жұптық сында қазақстандық Анна Данилина 6675 ұпаймен алтыншы орнын сақтап қалды. Оның сербиялық жұптасы Александра Крунич 6950 ұпаймен бесінші орында тұр. Рейтингте Чехия өкілі Катержина Синякова (10 150) көш бастап келеді. Екінші орында америкалық Тейлор Таунсенд (9300), ал үшінші орында канадалық Габриэла Дабровски (8805).
Қазақстандық өзге теннисшілер арасында Жібек Құламбаева жұптық рейтингте 115-орынға көтерілді. Инкар Дүйсебай 472-орынға, Асылжан Арыстанбекова 473-орынға, Аружан Сағандықова 633-орынға, Сандуғаш Кенжебаева 921-орынға көтерілді. Юлия Путинцева 342-орынға төмендесе, Соня Жиенбаева 521-орында тұр.
