Елена Рыбакина Штутгарттағы WTA 500 турнирінің жеңімпазы атанды
Фото: Australian Open
Қазақстандық теннисші Елена Рыбакина Штутгартта өткен WTA 500 турнирінде жеңіске жетті, деп хабарлайды Pin-UpSport.kz. Финалда ол чехиялық Каролина Мухованы жеңді.
Әлемнің екінші ракеткасы Рыбакина финалдық кездесуде 7:5, 6:1 есебімен басым түсті. Матч 1 сағат 19 минутқа созылды. Ойын барысында қазақстандық теннисші үш эйс жасап, бірде-бір қос қателік жібермеді және сегіз мүмкіндіктің төртеуін брейкке айналдырды.
Каролина Мухова (әлемдік рейтингте 12-орын) бір эйс жасап, қос қателікке жол бермеді, бірақ бір ғана брейк-пойнтты пайдаланды. Екінші сетте Рыбакина айқын басымдық танытып, ойынды өз пайдасына аяқтады.
Бұл жеңіс үшін қазақстандық теннисші Porsche 911 Carrera S автокөлігіне ие болды. Аталған титул оның мансабындағы 13-ші және 2026 жылғы маусымдағы екінші жеңісі болды. Бұған дейін ол биыл Аустралия ашық чемпионатын жеңіп алған.
