Елена Рыбакина Эр-Риядтағы WTA қорытынды турнирінің финалына шықты
Фото: КТФ
Қазақстандық теннисші Елена Рыбакина Сауд Арабиясының Эр-Рияд қаласында өтіп жатқан WTA қорытынды турнирінің финалына жолдама алды, деп хабарлайды Pin-UpSport.kz.
Жартылай финалда Рыбакина америкалық Джессика Пегуланы 4:6, 6:4, 6:3 есебімен жеңді. Кездесу 2 сағат 5 минутқа созылды. Елена бірінші сетте жеңіліп қалғанымен, кейінгі кезеңдерде ойын тізгінін өз қолына алып, сенімді жеңіске жетті.
Финалда Рыбакина Беларусь өкілі Арина Соболенко мен америкалық Аманда Анисимова арасындағы кездесудің жеңімпазымен кездеседі. Турнир жеңімпазы маусымның ең ірі жүлдесін — 5 миллион доллардан астам сыйақы алады.
Айта кетейік, жарыс хард төсенішінде өтіп жатыр, ал WTA Finals-2025 турнирінің жалпы жүлде қоры — 15,5 миллион доллар.
Автор туралы
Айбар Рысдаулет
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
Алдыңғы мақала:
17 жастағы Дастан Сатпаев «Интерге» қарсы ойынымен Еуропаны таңғалдырдыКелесі мақала:
Джек Делла Маддалена Хамзат Чимаевпен жекпе-жек өткізгісі келетінін айтты