Эдсон қайтадан Қазақстан құрамасында ойнауы мүмкін
Эдсон
Натуралданған бразилиялық футзалшы Эдсон жақын арада Қазақстан ұлттық құрамасына оралуы мүмкін.
Vesti.kz мәліметінше, бұған дейін ол ФИФА мен УЕФА-ның мүмкін санкцияларына байланысты құрамадағы ойындарын уақытша тоқтатқан. Бұл ұйымдар спорттық азаматтық ауыстыру ережелерін қатаңдатып, ойыншылардан жаңа елдің құрамасында ойнауға құқығы болу үшін сол мемлекетте кемінде бес жыл үздіксіз тұруды талап еткен.
Алайда 2024 жылы Эдсон бұл талапқа сай келеді, сондықтан оның ұлттық құрама сапына қайта қосылуы ықтимал. Ол Еуро-2026 іріктеу кезеңіндегі Армения мен Албанияға қарсы ойындарда алаңға шығуы мүмкін.
Алматылық «Қайраттың» ойыншысы бұған дейін Қазақстан құрамасында 13 матч өткізіп, 2022 жылғы Еуропа чемпионатына қатысқан. Биылғы маусымда ол командасына Чемпиондар лигасының «Төрттік финалына» жолдама алуына көмектесіп, негізгі және элиталық кезеңдерде алты ойын өткізіп, төрт гол соқты.
Айбар Рысдаулет
Бауыржан Исламхан «Тұранға» ауысады
Абылайхан Жұмабек – «Тұранның» жаңа шабуылшысы