Абылайхан Жұмабек – «Тұранның» жаңа шабуылшысы
Абылайхан Жумабек
«Тұран» клубы шабуылшы Абылайхан Жұмабекпен келісімшартқа қол қойғанын ресми түрде жариялады. Қазақстан ұлттық құрамасының ойыншысы жаңа маусым алдында команда сапын толықтырды.
Абылайхан – «Тараз» футбол академиясының түлегі. Ол кәсіби деңгейде «Тараз», «Ақтөбе» және «Жетісу» клубтарында өнер көрсетті.
Футболшы мансабында 88 матчқа шығып, 19 гол соғып, 7 нәтижелі пас берген. Сонымен қатар, Қазақстанның жастар құрамасында (U-21) 7 ойын өткізіп, 3 голмен көзге түсті. Ұлттық құрама сапында да 2 матчта алаңға шыққан.
Өткен маусымда «Тұран» Қазақстан Премьер-лигасында 12-орын алды. Қазір клуб құрамды күшейтуге белсенді кірісіп жатыр. Жұмабектің келуі команда шабуылына қарқын қосып, нәтижелілікті арттыруға көмектеседі деп күтілуде.
Айбар Рысдаулет
Эдсон қайтадан Қазақстан құрамасында ойнауы мүмкін
Жәнібек Әлімханұлы: «Өз атымды қалдырғым келеді»