Джек Делла Маддалена Хамзат Чимаевпен жекпе-жек өткізгісі келетінін айтты
Джек Делла Маддалена. Фото: Getty Images
Жартылай орта салмақтағы (77 кг дейін) UFC чемпионы Джек Делла Маддалена орта салмақтағы чемпион Хамзат Чимаевпен жекпе-жекке шығуға ниетті екенін мәлімдеді, деп хабарлайды Pin-UpSport.kz.
«Мен белбеуімді қорғап жүретін чемпион болғым келеді. Чемпион жоғары дивизионға көтерілу алдында үздік ондықтағы қарсыластардың көбін жеңуі керек деп санаймын. Исламның (Махачевтің) жасағанын құрметтеймін — ол өз салмағында бәрін жеңіп, дұрыс уақытта жоғары көтерілді. Мен де салмақ ауыстыру туралы ойланбас бұрын, бірнеше мәрте титулымды қорғағым келеді.
Орта салмақтағы жекпе-жек пе? Әрине, иә. Мен әрқашан Хамзат Чимаевпен кездесуді армандадым. Егер мансабым жоспарлағандай өрбітсе, бұл мен үшін үлкен сынақ болмақ», — деді Маддалена New York Post басылымына берген сұхбатында.
Айта кетейік, австралиялық чемпион 16 қараша күні Нью-Йоркте өтетін UFC 322 турнирінде Ислам Махачевке қарсы титулын қорғайды.
Айбар Рысдаулет
Елена Рыбакина Эр-Риядтағы WTA қорытынды турнирінің финалына шықты
Елена Рыбакина WTA қорытынды турнирінің финалында Арина Соболенкоға қарсы ойнайды