Де Брюйне Қазақстанға қарсы ойынды қорытындылады
Фото: Goal.com
Бельгия құрамасының жартылай қорғаушысы Кевин Де Брюйне 2026 жылғы әлем чемпионатының іріктеуінде Қазақстаннан 6:0 есебімен басым түскен матчтан кейін өз әсерімен бөлісті, деп хабарлайды Pin-UpSport.kz.
Ол кездесуде екі таймда да бір-бір гол соғып, дубль авторы атанды.
«Бастапқы минуттардан-ақ біз жоғары прессинг көрсетіп, алаңда үстемдік еттік. Үзіліске дейінгі жылдам голдар басымдығымызды нығайтты. Екінші таймда да жоғары қарқында ойнадық. Әрине, әлі де жетілдіру керек тұстар бар, бірақ бүгін сын айтар себеп көріп тұрған жоқпын», — деп келтіреді Де Брюйненің сөзін бельгиялық БАҚ.
Бұл ойында Жереми Докудың да дубль жасағанын айта кеткен жөн. Сондай-ақ Николас Раскин мен Тома Менье бір-бір голдан соқты.
Аталған жеңістен кейін Бельгия құрамасы J тобында 10 ұпаймен екінші орынға орнықты. Қазақстан үш ұпаймен төртінші орында қалды.
