Дастан Сәтбаев «Челси» сапындағы алғашқы голын соқты
Қазақстан құрамасының шабуылшысы Дастан Сәтбаев «Челсидің» сапындағы алғашқы голын соғып, австралиялық «Вестерн Сидней Уондерерске» қарсы жолдастық кездесуде көзге түсті, деп хабарлайды Pin-UpSport.kz.
Лондондық клубтың бас бапкері Хаби Алонсо 17 жастағы қазақстандық футболшыны алғаш рет негізгі құрамда алаңға шығарды. Сәтбаев бапкердің сенімін ақтап, матчтың жетінші минутында қарсылас қақпасын дәл көздеп, есеп ашты.
Кездесу Сиднейдегі «Аккор» стадионында «Челсидің» Аустралиядағы маусым алдындағы турнесі аясында өтіп жатыр. Бұл матч Дастан Сәтбаев үшін ағылшын клубының негізгі құрамындағы алғашқы ойын болды.
Дастан Сәтбаев ресми түрде «Челси» ойыншысы мәртебесіне тамыз айында кәмелет жасына толғаннан кейін ие болады. Соған қарамастан, қазақстандық шабуылшы қазірдің өзінде команданың жаңа маусымға дайындығына қатысып, лондондық клуб сапындағы алғашқы голын соқты.
