Данияр Елеусінов АҚШ-тағы күтпеген жекпе-жегінің себебін түсіндірді
Данияр Елеусинов
Кәсіпқой бокста жеңіліп көрмеген Данияр Елеусінов (13-0, 8 КО) АҚШ-та өткен қарапайым турнирге не үшін қатысқанын айтып, алдағы уақытта қайта жекпе-жекке шығатынын мәлімдеді, деп хабарлайды Pin-UpSport.kz.
19 шілде күні Пенсильвания штатында өткен бокс кешінде Елеусінов филиппиндік Джеймс Бэконды (26-6, 17 КО) екінші раундта нокаутпен жеңді. Кешті көпшілікке белгісіз промоутер ұйымдастырған, ал жекпе-жек қарапайым ғимаратта өткен еді. Осы жағдай жанкүйерлер арасында түрлі сауал тудырды.
Олимпиада чемпионы мұндай кездесулер үлкен жекпе-жектерге дайындалу үшін қажет екенін айтты. Соңғы кезде рингке сирек шыққанын ескерсек, қайта бабына келу үшін осындай тәжірибе ауадай қажет екенін жеткізді.
«Жақын арада қайта ораламыз. Үлкен сын қабылдаған кезде таңғалмаңыздар», — деп жазды боксшы Instagram парақшасында.
