ЧЛ-дың алғашқы туры: «Қарабахтың» камбэгі, Туриндегі 8 гол және Мбаппенің дублі
Фото: Getty Images
Чемпиондар лигасының жаңа маусымы тартысты басталды. Алғашқы турда «Қарабах», «Арсенал», «Реал», «Тоттенхэм» және дебютант «Юнион» жеңіске жетті, деп хабарлайды Pin-UpSport.kz.
Лиссабонда «Қарабах» 0:2 есебінен қайтып, «Бенфиканы» 3:2 есебімен тізе бүктірді. Туринде нағыз драма өтті: «Ювентус» пен дортмундтық «Боруссия» төрт голдан соғып, тең тарқасты — 4:4. Бильбаода «Арсенал» «Атлетиктен» басым түсті (2:0), ал «Юнион» Сент-Жилуаз дебютін ПСВ-ны 3:1 есебімен жеңіп бастады.
Мадридте Килиан Мбаппе екі пенальти орындап, «Реалға» «Олимпикке» қарсы жеңіс әкелді (2:1). Бұл ойында Хаби Алонсоның командасы бір ойыншысынан айырылып қалды. «Тоттенхэм» Чемпиондар лигасына оралып, «Вильярреалды» 1:0 есебімен ұтты.
Келесі турда, 30 қыркүйекте, Алматыдағы Орталық стадионда «Қайрат» пен мадридтік «Реал» ойыны басты назарда болмақ.
