Чемпиондар лигасының финалына шығарған Марлон Веласко «Қайраттан» кетеді
Марлон Веласко. Фото: UEFA via Getty Images
Алматылық «Қайрат» футзал клубының бас бапкері Марлон Веласко маусым соңында қызметінен кететін болды. Бұл туралы Futsalkazakhstan Instagram парақшасында хабарлады. Ақпаратқа сенсек, клуб испандық маманмен келісімшартты ұзартпаған.
Келесі маусымнан бастап Веласко Испанияның «Viña Albali Valdepeñas» клубын жаттықтырады. Ол «Қайратқа» 2023 жылдың жазында келіп, екі жылға жуық жұмыс істеді.
Осы уақыт ішінде Марлон Веласко «Қайратпен» бірге 2024 жылғы Қазақстан кубогын, 2024/25 маусымының Суперкубогын жеңіп алды. Сондай-ақ 2021 жылдан бері алғаш рет команданы Чемпиондар лигасының төрттік финалына шығарып, күміс медаль иеленді. Веласко — соңғы 20 жылда «Қайратты» бразилиялық емес бапкер ретінде басқарған алғашқы маман.
Айбар Рысдаулет
Дмитрий Бивол Канело мен Скаллдың жекпе-жегін бағалады: «Жеңуге ұмтылмаған жекпе-жекті көру қызық емес»
Қазақ таеквондошылары Азия чемпионатынан жеті медальмен оралды