«Челси» жанкүйерлері Сатпаевтан үлкен үміт күтеді
Дастан Сатпаев. Фото: Getty Images
Ағылшынның танымал Chelsea Fan Accountability атты жанкүйерлік парақшасы қазақ шабуылшысы Дастан Сатпаевтың болашағына сенім білдірді, деп хабарлайды Pin-UpSport.kz.
Еске сала кетейік, «Челси» жас ойыншыны «Қайраттан» 4 миллион еуроға сатып алған болатын. Келісімге сәйкес, ол Лондон клубына 2026 жылы, 18 жасқа толғанда қосылады. Сол уақытқа дейін Сатпаев алматылық команда сапында жалға беру шарты бойынша ойынын жалғастырады.
«Челси» жанкүйерлеріне алаңдамауға кеңес береміз. Біздің қатарда Эстеван, Кендри Паэс және Дастан Сатпаев бар. Бұл — өз буынының элиталы таланттары. Олар әлемнің ең мықты клубтары емес, дәл «Челсиде» ойнауды қалады. Оларға сеніңіздер», — делінген жанкүйерлер жазбасында.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
