Чеферин Ресей клубтарының болашағына қатысты пікір білдірді
Фото: ФК Зенит
УЕФА президенті Александер Чеферин ресейлік клубтар мен құрамалардың халықаралық жарыстардан шеттетілгеніне байланысты пікірін білдірді, деп хабарлайды Pin-UpSport.kz.
Чеферин жағдайдың өзіне ауыр тиетінін айтты: «Қазір болып жатқан оқиғалар мені қатты қинайды. Бұған қарау мүмкін емес. Дегенмен мен спортшыларды жарыстардан шеттетуге қарсы адаммын. Себебі спортшы өз үкіметіне қандай ықпал ете алады? Бұл өте қиын», – деді ол.
Ол сондай-ақ қазіргі тыйым салу үш жарым жылдан бері жалғасып келе жатқанын, бірақ қақтығыстың аяқталмағанын атап өтті. «Алдағы уақытта не болатынын нақты айта алмаймын. Барлығы талқыланып жатыр, бірақ мен спортшыларды жазалауға қарсымын», – деп түйіндеді УЕФА басшысы.
Еске салайық, ресейлік клубтар мен құрамалар 2022 жылдың ақпан айының соңында ФИФА мен УЕФА шешімімен халықаралық турнирлерден шеттетілген болатын.
