Бублик Галледегі финалға жолдама алды
Фото: Getty Images
Әлемдік рейтингте 45-орында тұрған қазақстандық теннисші Александр Бублик Германияның Галле қаласында өтіп жатқан турнирдің финалына шықты, деп хабарлайды Pin-Upsport.kz.
Жартылай финалда ол ресейлік Карен Хачановпен (21-орын) үш сетке созылған тартысты матчта жеңіске жетті — 4:6, 7:6, 6:4.
Бұл турнирде Бублик өз жанкүйерлерін бірнеше рет таңғалдырды. Ол алдымен әлемнің бірінші ракеткасы Янник Синнерді жарыстан шығарып, кейін 23-орындағы чех теннисшісі Томаш Махачты жеңген болатын.
Енді финалда Александр 11-орында тұрған тағы бір ресейлік теннисші — Даниил Медведевпен кортқа шығады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
