«Барыс» америкалық қорғаушымен келісімшарт жасасты
Астананың «Барыс» клубы америкалық қорғаушы Чейз Прискимен келісімшартқа отырғанын жариялады, деп хабарлайды Pin-UpSport.kz. 30 жастағы хоккейшімен жасалған келісім 2027 жылдың 31 мамырына дейін есептелген.
Клуб пен ойыншы бір маусымға арналған біржақты келісімшартқа қол қойды. Чейз Приски кәсіби мансабының басым бөлігін Солтүстік Америкада өткізіп, Америка хоккей лигасында өнер көрсетті. 2024 жылы ол «Херши Беарс» құрамында Колдер кубогын жеңіп алды. Жалпы АХЛ аясында қорғаушы 349 матч өткізіп, 54 шайба соғып, 130 нәтижелі пас берді.
Өткен маусымда Приски Құрлықтық хоккей лигасында «Сибирь» клубының намысын қорғады. Ол тұрақты чемпионат пен плей-оффты қоса алғанда 54 кездесуге қатысып, төрт шайба және 20 нәтижелі пастың арқасында 24 ұпай жинады. Сонымен қатар қорғаушы әр матчта орта есеппен 22 минуттан астам уақыт мұз айдынында болды.
Чейз Прискидің келуі жаңа маусым қарсаңында «Барыс» құрамын күшейту бағытындағы маңызды қадамдардың бірі саналады. Еске салсақ, 2025/26 жылғы ҚХЛ маусымының қорытындысында астаналық клуб Шығыс конференциясында оныншы орын алып, плей-офф кезеңіне шыға алмады.
