«Барселона» Ламин Ямальдың әлем чемпионатындағы ойынына қатысты шешім қабылдады
Ламин Ямаль. Фото: UEFA via Getty Images
«Барселона» клубы Испания құрамасының шабуылшысы Ламин Ямальдың ӘЧ-2026 турниріндегі алғашқы матчқа қатысуына келісім берді, деп хабарлайды Pin-UpSport.kz.
Әңгіме 15 маусым күні өтетін Кабо-Верде құрамасына қарсы топтық кезеңнің алғашқы ойыны туралы болып отыр.
Дереккөз мәліметінше, 18 жастағы футболшының жағдайын ұлттық құрама сапында жүрген кезде «Барселонаның» штаттан тыс физиотерапевті Фернандо Галан бақылап отыр.
Еске салсақ, Ямаль Испания құрамасының орналасқан жеріне сол аяғындағы сан бұлшықетінің жарақатымен келген болатын.
Каталониялық клуб ойыншыны қалпына келтіру үдерісін жеделдетуге қарсы. Клуб мамандары вингерді алаңға біртіндеп қайтаруды ұсынып отыр.
Сондықтан Ямальдың Кабо-Вердеге қарсы кездесуді негізгі құрамда бастауы қарастырылмайды. «Барселона» футболшының ойынның соңғы бөлігінде алаңға шығып, шамамен 15 минут ойнауына қарсы емес.
