«Барселона» бес футболшыға қатысты ұсыныстарды қарастыруға дайын
«Барселона» жазғы трансферлік терезе жабылғанға дейін бірден бес футболшымен қоштасуы мүмкін, деп хабарлайды Pin-UpSport.kz.
Журналист Хосе Альварестің мәліметінше, каталониялық клуб Френки де Йонг, Марк Касадо, Хектор Форт, Алехандро Бальде және Жюль Кунде бойынша түскен ұсыныстарды қарастыруға дайын. Бұған дейін де Йонгқа «Манчестер Сити» қызығушылық танытып, жартылай қорғаушыға қатысты ақпарат сұратқан. Ағылшын клубы трансферлік кезең аяқталғанға дейін нидерландтық ойыншыны құрамына қосуға әрекет жасауды жоспарлап отыр. Қазіргі уақытта де Йонг тізе жарақатынан кейін қалпына келу кезеңін өткізуде.
Касадоның жағдайы ерекше назар аударып отыр. «Барселонаның» түлегіне Сауд Арабиясының бірнеше клубы қызығушылық танытуда. Каталониялық команда футболшыны 30-40 миллион еуроға сатуды жоспарлап отыр. Ықтимал үміткерлердің қатарында «Әл-Хиляль» де бар. Хектор Фортқа дортмундтық «Боруссия» мен «Реал Сосьедад» қызығушылық танытып отыр. Баск клубы қорғаныстың оң қапталын күшейтуді көздегенімен, бұл бағытта неміс командасымен бәсекеге тап болды. Ал Алехандро Бальденің жағдайын «Манчестер Юнайтед» бақылауда ұстап отыр, алайда қорғаушы әзірге болашағына қатысты шешім қабылдаған жоқ.
«Барселонаның» бас бапкері Ханс-Дитер Флик те Бальде мен Кунденің командадан кету мүмкіндігін жоққа шығармады. Мамандының айтуынша, құрамға қатысты жағдай трансферлік терезе жабылғаннан кейін ғана толық анық болады. Ла Лиганың жаңа маусымындағы алғашқы матчта «Барселона» «Эльчени» 5:0 есебімен жеңді. Каталониялық клуб келесі кездесуін Бильбаоның «Атлетигіне» қарсы өткізеді.
