Бақыт Сәрсекбаевқа ұлттық құраманың жаттықтырушылар штабына қосылу ұсынылды
Фото: Olympic.kz
Сидней-2000 Олимпиадасының чемпионы Ермахан Ыбрайымов Қазақстанның 22 жасқа дейінгі боксшылар құрамасының бас бапкері Бақыт Сәрсекбаевпен болған әңгімесін баяндады, деп хабарлайды Pin-UpSport.kz.
«Қазір Бақыт Сәрсекбаев өте мықты маман. Шыны керек, алғаш жастар құрамасын басқарған кезде біраз түсініспеушіліктер болып, қызметінен кеткен еді. Бірақ қазір тәжірибесі артып, қайта оралды. Маған оның оқу-жаттығу жиындарын өткізу тәсілі, спортшылармен жұмысы ұнайды — бәрін үлкен жауапкершілікпен атқарады.
Онымен жеке сөйлестім де, былай дедім: „Бақыт, сен ұлттық құраманың сапына қосылуың керек“. Ол болса: „Онда бас бапкер бар ғой“, — деді. Мен: „Саған басты емес, аға бапкер болу керек. Егер құраманың Олимпиадада жүлде алғанын қаласаң, сол жерде жұмыс істеуің қажет“, — деп кеңес бердім», — деді Ыбрайымов.
Айта кетейік, Бақыт Сәрсекбаевтың жетекшілігімен Қазақстан құрамасы 2025 жылы Шри-Ланканың Коломбо қаласында өткен жастар арасындағы Азия чемпионатында 22 алтын медаль жеңіп алған болатын.
