Бақтиер Зайнутдинов ұлттық құрамаға көмектесе алмайды
Бахтиёр Зайнутдинов
Қазақстан құрамасы мен «Бешікташтың» жартылай қорғаушысы Бақтиер Зайнутдинов жарақатынан толық айықпағандықтан, 2026 жылғы әлем чемпионатының іріктеу матчтарына қатыса алмайды. Бұл туралы ұлттық құраманың бас бапкері Әли Әлиев мәлімдеді.
Оның айтуынша, медициналық штаб Бақтиердің алаңға шығуына рұқсат бермеген. Ойыншының өзі де бұл шешіммен келісіп, жылдамдық қосуға және спринт жасауға кедергі келтіретін бұлшық ет құрысуын сезініп жүргенін жеткізген. Сондықтан оның алдағы екі ойынға қатысуы мүмкін емес. Ал алмастыратын ойыншының кім болатыны матч алдындағы жаттығуларда шешіледі.
Жарақатына қарамастан, Зайнутдинов ұлттық құрамаға қосылған, бірақ Уэльс пен Лихтенштейнге қарсы кездесулерде командаға көмектесе алмайды.
Соңғы рет Бақтиер 26 қаңтарда Түркия Суперлигасындағы «Антальяспорға» қарсы ойында (1:1) алаңға шыққан. Содан бері жарақатын емдеумен айналысып жатыр, бірақ қашан толық қалпына келетіні белгісіз.
Айбар Рысдаулет
Елдос Сметов Лос-Анджелес Олимпиадасына қатыса ма?
Қазақстандық клуб – Еуропа хоккей лигасының финалында