Азия біріншілігінде татамиге шығатын қазақстандықтар белгілі болды
Фото: Icon Sport via Getty Images
25-28 сәуір күндері Таиландтың Бангкок қаласында дзюдодан Азия чемпионаты өтеді. Бұл жарысқа 30 елден 300-ге жуық спортшы қатысады деп жоспарланған. Құрлықтық додада Қазақстан құрамасы сапында 17 дзюдошы бақ сынайды.
Ерлер құрамында жарысқа Нурадиль Әлжан мен Шерзод Давлатов (60 келіге дейін), Ержан Еренқайыпов (66 келі), Есет Қуанov (73 келі), Мәди Амангелді мен Азат Күмісбай (81 келі), Ермахан Ануарбеков пен Максим Меирлан (90 келі), Ерасыл Қажыбаев (+100 келі) қатысады.
Ал қыздар сапында Галиа Тынбаева мен Диана Букреева (48 келі), Толғанай Әбеуова (52 келі), Бақыт Құсайынбаева (57 келі), Эсмигүл Құюлова (63 келі), Кристина Сотникова (70 келі), Назгүл Маратова мен Акерке Рамазанова (+78 келі) татамиге шығады.
Резервтегі спортшылар қатарында Талғат Орынбасар, Ердәулет Бозша, Бақытжан Абдурахманов және Марат Байқамұров бар.
Айбар Рысдаулет
Жәнібекке қарсылас атану үшін кім жұдырықтасады?
Ковригин Сауд Арабиясындағы жекпе-жекте мұрнын сындырып, жеңіліп қалды