Азат Максұм қазан айында октагонға оралады
Фото: Zuffa LLC
Қазақстандық UFC файтері Азат Максұм келесі жекпе-жегін 25 қазанда Абу-Дабиде өтетін UFC 321 турнирінде өткізеді, деп хабарлайды Pin-UpSport.kz.
Журналист Марсель Дорфтың мәліметінше, жекпе-жек «Этихад Аренада» өтеді. Максұмның қарсыласы — америкалық Митч Рапосо. Оның кәсіби рекорды – 9 жеңіс, 3 жеңіліс. Алайда UFC аясында өткізген екі кездесуінде де жеңілген.
Рапосо соңғы рет сәуір айында UFC 314 турнирінде октагонға шыққан. Ол кезде бразилиялық Андре Лимадан төрешілердің шешімімен жеңіліп қалған.
Азат Максұм да соңғы жекпе-жегінде жеңіліс тапты. 21 маусым күні Бакуде өткен UFC on ABC 8 турнирінде ол ресейлік Тагир Уланбековке ұпай айырмашылығымен жол берді. Қазіргі таңда Максұм UFC-де үш жекпе-жек өткізіп, соның екеуінде жеңілген.
