Аян Тұрсын АҚШ-та чемпиондық белбеу үшін жекпе-жек өткізеді
Фото: Octagon
Қазақстандық аралас жекпе-жек шебері Аян Тұрсын америкалық Cage Fury Fighting Championships промоушенінде чемпиондық жекпе-жек өткізу құқығына ие болды, деп хабарлайды Pin-UpSport.kz.
8 жеңіс пен 1 жеңілістен тұратын көрсеткіші бар отандасымыз минимал салмақтағы бос тұрған чемпиондық белбеу үшін октагонға шығады. Бұл жекпе-жек оның кәсіби мансабындағы маңызды кезеңдердің бірі болмақ.
Чемпиондық кездесу 6 ақпан күні АҚШ-тың Пенсильвания штатындағы Филадельфия қаласында өтетін CFFC 150 турнирі аясында ұйымдастырылады. Аян Тұрсынның қарсыласы жеңіліп көрмеген жапониялық спортшы Ариса Мацуда болады, оның кәсіби рекорды 7–0. Қазақстандық спортшы үшін бұл CFFC лигасындағы алғашқы жекпе-жек болмақ. Бұған дейін ол Octagon және Dala Fighting Championship ұйымдарында өнер көрсетіп, тұрақты нәтижелерімен көзге түскен.
Әйелдер арасындағы минимал салмақ дивизионы жоғары қарқынмен, төзімділік пен тактикалық дайындықты талап ететін салмақ дәрежелерінің бірі саналады. Ариса Мацудамен болатын жекпе-жек Аян Тұрсын үшін үлкен сынақ болмақ, себебі жапониялық файтер кәсіби мансабында әлі жеңіліс көрмеген. CFFC 150 турнирі жалпы кард деңгейі мен титулдық кездесулерінің арқасында жанкүйерлер назарын өзіне аударады деп күтілуде.
Кештің басты жекпе-жегінде жартылай орта салмақтағы бос чемпиондық белбеу үшін қырғызстандық Бусурман Жумагул (4–0) мен америкалық Дэниэл Моррисон (7–2) өзара күш сынасады. Ал Аян Тұрсын үшін бұл титулдық мүмкіндік АҚШ-тағы мансабын жаңа деңгейге көтеріп, халықаралық аренада танылуына жол ашуы мүмкін.
Айбар Рысдаулет
Таеквондодан Қазақстан іріктеу чемпионатының жеңімпаздары анықталды
Асхат Тағыберген «Тобылмен» келісімшартын ұзартты