Асу Алмабаевтың UFC-дегі жекпе-жегі үшін қанша сыйақы алғаны белгілі болды
Асу Алмабаев
MMA.Metaratings.ru порталы UFC Fight Night 253 турниріне қатысқан файтерлердің гонорарларын жариялады. Бұл кештің басты жекпе-жегінде Асу Алмабаев пен Манел Капе октагонға шыққан еді.
Турнирдің ашылу жекпе-жегінде Рамазонбек Теміров пен Чарльз Джонсон кездесті. 2024 жылы қатарынан төрт жеңіс алған америкалық файтер найлегчай салмақтағы ТОП-15 қатарына кіргенімен, Теміров оны екі раундта ұтып, төрешілер шешімімен жеңіске жетті.
Sporty Salaries порталының мәліметінше, Рамазонбек UFC-дегі екінші жеңісі үшін 40 мың доллар алған. Оның ішінде 18 мыңы – жекпе-жекке шыққаны үшін, 18 мыңы – жеңісі үшін, 4 мыңы – спонсорлық төлемдер. Ал Чарльз Джонсон жеңілгенімен, үш есе көп – 120 мың доллар алып кеткен.
Кештің басты айқасында Манел Капе үшінші раундта Асу Алмабаевты нокаутпен жеңді. Португалиялық файтер жылдамдық пен қорғаныста мықты екенін көрсетіп, басымдықты өз қолында ұстады. Осы жекпе-жек үшін ол турнирдегі ең үлкен гонорар – 521 мың доллар алды. Оның ішінде 350 мыңы – жекпе-жекке шыққаны үшін, 100 мыңы – жеңісі үшін, 50 мыңы – үздік өнер көрсеткені үшін берілген бонус, 21 мыңы – демеушілерден түскен ақша.
Асу Алмабаевтың гонорары 266 мың доллар болды. Оның 250 мыңы – жекпе-жекке шыққаны үшін, 16 мыңы – спонсорлық бонус.
Айбар Рысдаулет
Қазақстандық ватерполшы қыздар Азия чемпионатынан қола жүлде алды
Қазақстан боксшылары «Странджа кубогында» жалпы есепте топ жарды