Асу Алмабаев: «Қазақстанның атынан шығу – үлкен жауапкершілік»
Асу Алмабаев
Қазақстандық UFC файтері Асу Алмабаев мансабындағы маңызды жекпе-жек алдында өз ойымен бөлісіп, ел намысын қорғаудың қаншалықты маңызды екенін айтты.
«Мен үшін де, Шавкат Рахмонов үшін де бұл – үлкен абырой. Әлемнің ең мықты лигасында Қазақстанның туын көтеруді Олимпиадада алтын алуымен салыстыруға болады. Бұл жай ғана айқас емес, бұл – елімізге деген мақтаныш», — деді Алмабаев.
2 наурызда ол Лас-Вегаста өтетін UFC Fight Night 253 турнирінің басты жекпе-жегіне шығады. Қарсыласы — Анголадан келген Манел Капе. Алмабаев жарақатына байланысты кездесуге қатыса алмайтын Брэндон Ройвалдың орнына октагонға көтеріледі.
Бұл айқас отандық ММА тарихына енері сөзсіз. Асу Алмабаев — UFC турнирінде басты жекпе-жекті өткізетін алғашқы қазақстандық спортшы. Егер жеңіске жетсе, бұл оның мансабындағы маңызды қадам болмақ.
Айбар Рысдаулет
Орталық Азия елдері Азия кубогын өткізгісі келеді
Нұрсұлтан Құрман Қазақстан Премьер-лигасының жаңа логотипін көрсетті