Астанада теннистен Қазақстан чемпионаты аяқталды
Астанада ересектер арасында теннистен Қазақстанның жазғы чемпионаты өз мәресіне жетті, деп хабарлайды Pin-UpSport.kz.
20–26 шілде аралығында Beeline Arena ұлттық теннис орталығының хард корттарында еліміздің үздік теннисшілері жекелей және жұптық сында чемпиондық атақты сарапқа салды. Әйелдер арасындағы жекелей сында Алматы қаласының өкілі Инкар Дүйсебай Қазақстан чемпионы атанды. Күміс жүлдені астаналық Сандуғаш Кенжебаева иеленсе, қола медаль Ақтөбе облысының теннисшісі Ева Корышеваға бұйырды. Ерлер арасында Ақтау қаласының өкілі Даниял Рахматуллаев жеңімпаз атанды. Екінші орынды Қызылорда облысының теннисшісі Ерасыл Ерділда, ал үшінші орынды Ақтөбе облысының өкілі Мансур Саинов иеленді.
Әйелдер арасындағы жұптық сында алтын медальді алматылық Асылжан Арыстанбекова мен Еркежан Арыстанбекова жеңіп алды. Күміс жүлдегерлер – Инкар Дүйсебай мен Альбина Какенова, ал қола медаль Айя Нүпбай мен Анастасия Крымковаға бұйырды.
Ерлер арасындағы жұптық сында Ерасыл Бахтияр мен Ерасыл Ерділда чемпион атанды. Күміс жүлдені Ілияс Маратұлы мен Ислам Орынбасар жеңіп алса, Тимур Сауленко мен Арсений Требухин қола жүлдеге ие болды.
