Астанада Республика Кубогынан соң ұлттық құрама жасақталады
Фото: Olympic.kz
24–30 мамыр күндері Астанада ересектер арасындағы грек-рим, еркін және әйелдер күресінен Қазақстан Кубогы өтеді. Жарыс Qazaqstan жеңіл атлетикалық спорт кешенінде ұйымдастырылады.
Бұл турнирге еліміздің барлық өңірінен және республикалық маңызы бар қалалардан келген мыңға жуық балуан қатысады. Биылғы бәсекенің басты мақсаты – ұлттық құрама сапына іріктеу.
Сондықтан жарысқа халықаралық аренада ел намысын қорғаған тәжірибелі спортшылар да қатысады. Олардың арасынан алдағы әлем чемпионаттарына жолдама алатын мықтылар анықталады.
Алғашқы болып бозкілемге еркін күрес шеберлері шығады. Одан кейін әйелдер жарысады. Ал турнирдің соңғы күндері грек-рим күресіне арналады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
