Астанада футзалдан жасөспірімдер арасындағы Еуропа чемпионаты өтеді
Албания астанасы Тиранада өткен УЕФА Атқарушы комитетінің жиынында бірнеше халықаралық және клубтық турнирлердің финалдық кезеңін қабылдайтын қалалар белгілі болды, деп хабарлайды Pin-UpSport.kz.
Соның ішінде Қазақстан футбол федерациясы мен Қазақстан футзал қауымдастығы ұсынған өтінім қолдау тауып, 2027 жылы 19 жасқа дейінгі командалар арасындағы футзалдан Еуропа чемпионатының шешуші кезеңі Астанада өтетін болды.
Бұл шешімге сәйкес, Қазақстанның жасөспірімдер құрамасы қабылдаушы ел ретінде финалдық кезеңге тікелей жолдама алады. Турнирге барлығы сегіз команда қатысады.
Айта кетейік, U-19 санатындағы бұл доданың алғашқы турнирі 2019 жылы өтті. Қазіргі чемпион — Португалия, ал Испания екі мәрте (2019 және 2022) топ жарған ең табысты құрама саналады.
