«Ақтөбе» алаңға дайын: жаңа стадионның құрылысы басталмақ
Фото: time.kz
26 сәуір күні «Ақтөбе» өз алаңында «Ұлытауды» қабылдайды. Осыған орай бүгін облыс әкімі Асхат Шахаров Қобыланды батыр атындағы Орталық стадионға барып, дайындық барысын көзбен көріп қайтты.
Облыстық спорт басқармасының басшысы Мейрамбек Махамбетовтің айтуынша, алаң жамылғысының сапасына, жанкүйерлерге арналған орындарға, жарық пен дыбыс жүйесіне, сондай-ақ қауіпсіздік шараларына баса назар аударылған. Барлық инфрақұрылым матч өткізуге толық дайын.
Асхат Шахаров сонымен қатар, жаңа стадионның жобасы әзірленіп жатқанын айтты. Ол «Алтын Орда» шағынауданында салынбақ. Жер телімі дайын, ал жобалық-сметалық құжаттар мемлекеттік сараптамаға жіберіледі. Жобаға шетелдік инвестиция тарту көзделіп отыр.
Аким команданың алдағы маусымда жақсы нәтиже көрсетуіне тілектестік білдіріп, ақтөбеліктер әрдайым өз командасына сенетінін атап өтті.
Айбар Рысдаулет
Дембеле — 2025 жылдың ең нәтижелі ойыншысы
Қазақ боксшылары жаңа сынға дайындалып жатыр