Ақмарал Ерекешева көркем гимнастикадан әлем чемпионатында Қазақстан қоржынына екінші алтын медальді салды
Фото: НОК РК
Софияда (Болгария) жасөспірімдер арасындағы әлем чемпионаты аясындағы жекелей жарыстардың финалдық кезеңі аяқталды.
Қазақстандық Ақмарал Ерекешева жарыс жеңімпазы атанды. Айта кетейік, гимнаст қыз үш финалға да бірінші орынмен өткен болатын. Ол қатысқан барлық финалда жүлдеге ілікті.
Оның еншісінде екі алтын және бір күміс медаль бар. Алдымен Ерекешева доппен орындалған жаттығуда үздік атанды. Кейін таспамен өткен финалда да жеңіске жетті.
Ал шығыршықпен орындалатын жаттығуда ол екінші орынға ие болды. Бұған қоса, Айғаным Рысбек ұршықтармен орындалатын жаттығу бойынша бесінші нәтижені көрсетті.
Айта кеткен жөн, Ақмарал Ерекешева – жасөспірімдер арасындағы әлем чемпионатында жеңіске жеткен санаулы қазақстандық гимнастардың бірі.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
