Англия жеңіспен бастады, Өзбекстан әлем чемпионатындағы алғашқы ойында жеңілді
2026 жылғы футболдан әлем чемпионатында топтық кезеңнің кезекті матчтары аяқталды, деп хабарлайды Pin-UpSport.kz. 17 маусымдағы ойын күнінде K және L топтарында төрт кездесу өтіп, аралық көшбасшылар анықталды.
L тобында Англия құрамасы турнирді сәтті бастап, Хорватияны 4:2 есебімен жеңді. Англия сапында Харри Кейн дубль авторы атанса, Джуд Беллингем мен Маркус Рэшфорд бір-бір голдан соқты. Хорватия құрамасы Мартин Батурина мен Петар Мусаның голдарымен жауап берді. Осы топтағы тағы бір кездесуде Гана Панаманы ең төменгі есеппен ұтты. Матчтағы жалғыз гол екінші таймға қосылған уақытта Йиренкидің еншісіне жазылды.
K тобында әлем чемпионатының финалдық кезеңінде алғаш рет ойнап жатқан Өзбекстан құрамасы Колумбияға 1:3 есебімен жол берді. Өзбекстан құрамасының жалғыз голын Аббосбек Файзуллаев соқты. Колумбия сапынан Даниэль Муньос, Луис Диас және Дейбер Кампас мергендік танытты. Ал топтағы екінші ойында Португалия мен Конго Демократиялық Республикасы жеңімпазды анықтай алмай, 1:1 есебімен тең түсті. Португалия құрамасының голын Рубен Невеш соқса, қарсы тараптан Йоан Висса көзге түсті.
Бірінші турдан кейін Англия мен Колумбия өз топтарының көшін бастады. L тобында екінші орында Гана орналасса, K тобында Колумбиядан кейін Конго Демократиялық Республикасы мен Португалия келеді. Келесі тур ойындары 23 маусымда өтеді және плей-офф жолдамасы үшін күрестегі жағдайға айтарлықтай әсер етуі мүмкін.
