Англия Норвегияны қосымша уақытта жеңіп, ӘЧ-2026 жартылай финалына шықты
Англия құрамасы ӘЧ-2026 турнирінің ширек финалында Норвегияны қосымша уақытта жеңіп, жартылай финалға жолдама алды, деп хабарлайды Pin-UpSport.kz. Томас Тухельдің командасы 2:1 есебімен жеңіске жетті.
Матчтағы есепті 36-минутта Норвегия құрамасы ашты. Андреас Шельдеруп өткір бұрыштан дәл соққы жасап, Англия қақпашысы Джордан Пикфордты қапы қалдырды. Алайда бірінші таймға қосылған уақытта Джуд Беллингем айып алаңына еніп, таразы басын теңестірді. Үзілістен кейін норвегиялықтар бұрыштамадан кейін тағы бір мәрте гол соққанымен, шабуылдағы ереже бұзушылыққа байланысты бұл гол есепке алынбады. Негізгі уақыт 1:1 есебімен аяқталды.
Қосымша уақыттың басында Англия алға шықты. Норвегия қақпашысы Эрьян Ньюланд алыстан бағытталған соққыны қайтара алғанымен, допқа алғаш болып жеткен Джуд Беллингем дубль авторы атанды. 99-минутта төреші бейнеқайталауды қарап шыққаннан кейін Норвегия қақпасына пенальти белгілеуден бас тартты. Қалған уақытта есеп өзгерген жоқ.
Осы дубльдің арқасында Джуд Беллингем турнирдегі гол санын алтыға жеткізіп, Англия құрамасындағы әріптесі Гарри Кейнмен үздік сұрмергендер тізімінде теңесті. Англия құрамасының жартылай финалдағы қарсыласы Аргентина мен Швейцария арасындағы матчтан кейін анықталады.
