Алтынсыз өткен Азия чемпионаты: қазақ балуандары төрт медальмен оралды
Омар Сатаев
Иордания астанасы Амманда өткен Азия чемпионатында грек-рим күресінен сынға түскен қазақстандық балуандар жарысты сәтті аяқтады.
Екі күнге созылған бәсекеде ұлттық құрама қоржынына екі күміс пен екі қола медаль түсті. 82 келіде белдескен Омәр Сатаев пен 130 келідегі Әлімхан Сыздықов күміс жүлдеге ие болса, 77 келіде Ибрагим Магомадов пен 87 келіде Шамиль Ожаев қола медаль иеленді.
Жалпыкомандалық есепте Қазақстан бесінші орынға табан тіреді. Бірінші орынды 5 алтынмен Иран еншілесе, екінші орында — Өзбекстан, үздік үштікті Жапония түйіндеді.
Алтын жүлде бұйырмағанымен, балуандарымыз Азия деңгейінде бәсекеге қабілетті екенін көрсетті. Жеңіске деген жігер мен намыс бар екенін тағы бір дәлелдеді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
